Scottish Sea Farms lat mánadagin alment upp nýggju alistøðina Billy Baa í Hetlandi.

Tað skrivar Shetland News.

Talan er um størstu alistøðina í Skotlandi, mált eftir loyvdari lívmongd.

Støðin hevur loyvi til 4.091 tons av laksi og kostaði 7,5 milliónir pund, umleið 65 milliónir danskar krónur.

Á støðini eru níggju ringar við 160 metra ummáli og ein við 120 metra ummáli. Miðaldýpið er 45 metrar.

Átta nýggj arbeiðspláss eru stovnað.

Støðin hevur eisini nýggja fóðurflakauppseting, har battarí og dieselmotorur arbeiða saman fyri at minka um oljunýtsluna.