Virksemið í Skotlandi kostaði Bakkafrost 60 milliónir krónur í fjórða ársfjórðingi í fjør.

Tí boðar Bakkafrost frá.

Serliga doyði fiskur illa av sjúku í Portree anlegginum hjá Bakkafrost á oynni Skye.

Sama tíðarskeið hevði Bakkafrost ongar nevniverdar útreiðslur av deyðiligheit í sínum føroysku alibrúkum.

Samlaða HOG tøkan í Føroyum í fjør var 83,6 túsund tons við miðalvekt á 5,6 kilo fyri hvønn laks. Í Skotlandi var samlaða tøkan 23,2 túsund tons við miðalvektini 4,1 kilo.