Skotska felagið hjá uppsjóvarskipum, SPFA, hartar nú ICES fyri nýggjastu ráðgevingina um makrelkvotuna.

ICES mælir til, at kvotan av makreli skal lækka 70% komandi ár.

- Tað tykist sum um, at yvirdrivið varsemi hevur vunnið á veruligum prógvum.

- ICES ráðgevingin hevur sveiggjað nógv seinastu árini, og hesuferð hava tey valt eitt tilvildarligt tíðarskeið fyri at meta um tilgongdina í stovninum.

- Tað kann ikki góðtakast, at haldførið hjá allari vinnuni verður sett í vanda av reinum gitingum, sum eru settar upp í einari telduskipan.

- Tað sama vísundliga grundarlagið hevði givið eitt betri úrslit, um metingarnar fyri tilgongd høvdu verið meira rættvísandi, sigur Ian Gatt, stjóri í SPFA.

Eisini Simon Collins, umboðandi uppsjóvarvinnuna í Hetlandi, gevur lítið fyri ICES ráðgevingina.

- Vit stuðla vísindaligum vegleiðingum, tá ið tær eru undirbygdar við veruligum data og eini hollari vísindaligari tilgongd.

- Vit góðtaka als ikki hetta nýggja modellið hjá ICES, har tilvildarligar gitingar og óvísindaligar metingar av veruligum data geva eina ráðgeving.

- Hetta hóttir eisini ein týðandi part av bretska fiskiflotanum umframt virkir og veitarar á landi, sum eru tengd at makrelfiskiskapinum.

- Soleiðis eigur eingin vísindaligur stovnur at bera seg at, sigur Simon Collins.

Les meira her: Scottish mackerel fishermen slam catch advice for 2026