Fiskamarknaður Føroyar: Tríggir djúpvatnstrolarar eru á Íslandsrygginum og fiska mest av toski og so nakað av svartkalva og blálongu. Væntandi landa allir í vikuni. Ísfiskalínuskipið er norðanfyri og fiskar mest hýsu og tosk. Hann landar fyrst í vikuni. Eitt frystilíniskip er á Íslandsrygginum, sjey eru við Føroyar. Skipini fiska mest av toski og hýsu og so nakað av brosmu og longu. Tann á Íslandsrygginum fær eisini nakað av svartkalva.

Streymurin er brúkiligur til útróður. Tað verður hampuligt veður ein part av vikuni, so tað verður nakað av útróðri. Fiskaríið er brúkiligt.

Tvey pør eru á landgrunninum og fiska upsa og nakað av hvítfiski. Eitt par er á Íslandsrygginum og fiskar tosk.

Tríggir trolbátar eru á Skeivabanka og fiska havtasku. Væntandi fer onkur av hinum avstað í vikuskiftinum.

Tvey garnaskip fiska svartkalva. Fiskaríið er smáligt. Báðir landa í vikuni.