Kendi danski sjónvarpsmaðurin og føroyavinurin, Søren Ryge Petersen, hugleiðir hesaferð um lívið, deyðan, heystið og vónina í sendingini Gudstjenesten sum dr.dk plagar at senda sunnudagar undan sjónvarpsguðstænastuni.

Í sendingini greiðir Søren Ryge millum annað frá barnaárunum í Sydslesvig, har skúlin fjúrtanda hvønn dag var brúktur til kirkju, júst sum vit kenna frá summum smáum bygdum í Føroyum, eitt nú Gásadali og fyrr í tíðini eisini Slættanesi. Pápin var deknur og mamman organistur, og sjálvur minnist hann, hvussu væl honum dámdi sálmasangin.

Í dag er tað tó jarðarferðirnar sum fylla mest. Og sjálvur hevur hann gjørt sær tankar um, hvar hann vil liggja, og hvussu grøvin skal síggja út.

Les meira her