Komandi vikuna fer psykoterapeuturin Steen Palmqvist at hava fleiri spennandi og gevandi fyrilestrar kring landið.

Steen hevur í gjøgnum nógv ár verið virkin sum terapeutur, og hava hann og konan eisini búð í Føroyum í longri tíðarskeið, so hann kennir væl til føroysk viðurskifti.

Evnini fevna víða um persóns- og familjuviðurskifti, ið vit kenna okkum aftur í, tí vit mangan renna okkum í støður, ið bæði kunna vera spennandin og sera avbjóðandi.

Steen evnar meistarliga á ein nærverandi og tryggan hátt, at umrøða og viðgera ofta trupul evni, ið ganga okkum nær, so at vit kenna okkum aftur uttan at krympa tærnar. 

Samstundis megnar hann at geva praktiska ráðgeving og amboð til at loysa avbjóðingarnar ella læra at liva í umstøðum sum flest øll kenna aftur.

Øll eru vælkomin til fyrilestrarnar, ið eru ókeyðis. Tó verður eisini høvið til at stuðla arbeiðnum hjá Agape Føroyum, sum er vertur og fyriskipar vitjanina.

Sí meira á www.agape.fo og á facebook vanganum Agape Føroyar.