- Veruligi spurningurin er, við hvørjum rætti Danmark hevur ræðið á Grønlandi? Hvat er teirra grundarlag fyri at hava Grønland sum danskt hjáland?

Hesar spurningar setti varastápsstjórin, Steven Miller, hjá amerikanska forsetanum Donald Trump í samrøðu við CNN, har hann eisini segði, at í Grønlandi búgva bert 30.000 fólk.

Orðaskiftini um Grønland hava eisini elvt til heitt kjak millum brúkarar á sosialu miðlunum, sum umrøða søguligu viðurskiftini millum Danmark og Grønland - og hvussu Grønland einaferð kom undir danska kongaríkið.

Í einum av fleiri innleggum, harímillum X, stendur, at Danmark stjól Grønland frá Noregi eftir Napoleonskríggini í 1814.

- Tann avgerandi stuldurin kom eftir 1814: Danmark noyddist at avhenda Noreg, men varðveitti ólógliga Noregs yvirsjóøki: Grønland, Ísland og Føroyar, stendur at lesa í einum uppslagi, sum er sæð yvir 400.000 ferðir á X.

Hendan tulkingin av yvirtøkuni hjá Danmark av Grønlandi er tó bæði skeiv og uttan søgulig prógv, sambært granskarum, sum TjekDet hevur tosað við.

Les meira her