Jensen Huang hevur lagt frá sær sum stjóri og nevndarlimur í Nvidia við virknaði beinanvegin. Fíggjarstjórin Colette Kress tekur fyribils við leiðsluni, meðan leitað verður eftir einum eftirmanni.

Tað kemur eftir avdúkingar um ónæriligt samband við eina kinesiska vinnulívskvinnu, sum er undir illgruna fyri njósning. Nvidia hevur sett eina óhefta kanning í verk, men nevndin sigur at hon ikki hevur grund at halda, at trygdarviðurskifti ella loyndarmál hjá felagnum eru avdúkað.

Kina vísir ákærunum um njósning aftur.

Amerikanska Nvidia, sum Huang var við til at stovna í 1993, er ein av heimsins týdningarmestu tøknifyritøkum. Felagið er serliga kent fyri framkomnar telduflísar, sum verða brúktar til vitlíki.

Donald Trump hevur sagt seg trúgva frágreiðingini hjá Huang um, at hann einki visti um møguligan njósning. Nú skjýtur forsetin upp, at fyrrverandi Apple-stjórin Tim Cook tekur við sum stjóri í Nvidia.