Limalondini í ES hittast í dag at umrøða eitt samskipað svar uppá hækkandi brennievnisprísirnar.

Hetta hendir, eftir at amerikanski forsetin, Donald Trump, hótti við at seta forboð fyri keypi av amerikanskari olju í sambandi við kríggið í Iran, sum hevur elvt til stórt trot á bensini og diesel.

- Vit umhugsa tað í størsta álvara, sigur Trump, sambært BBC.

Trump-stjórnin hevur eisini boðað frá, at ES noyðist at lækka alheims brennievnisprísirnar við at taka úr sínum strategisku orkugoymslum "beinanvegin", skrivar TV 2.

Miðvalið stendur fyri durum í USA, og amerikanarar fara á val í næsta mánaði.

Tí roynir Trump-stjórnin at tálma hækkandi brennievnisprísunum við at fáa ES at leysgeva strategiskar goymslur, sum svara til 120 milliónir tunnur av olju, sambært NBC News.