Ímynda tær, at knappliga ein dagin standa einir túsund amerikanskir hermenn í Nuuk, og teir siga, at nú er tað teir sum ráða her.

Ímynda tær so, at Stars and Stripes verður vundið á stong, og amerikanski forsetin trínur fram á skíggjunum og boðar frá, at USA hevur "tikið við valdinum" í Grønlandi.

Sambært fleiri serfrøðingum er hetta ein støða, sum Europa ongan veruligan møguleika hevur at gera nakað við.

- Vit fara ikki í kríggj við USA. Tað kemur ikki at henda. Og tí kann Trump í veruleikanum gera sum honum lystir, eisini taka sær Grønland, um hann vil, tað sigur franski trygdarserfrøðingurin, Nicole Gnesotto við Politiken.

Tann dagin, tað hendir, stendur Nato í "skarni upp um bæði oyru", sum hon málber seg. 

Fleiri aðrir serfrøðingar, miðilin hevur tosað við, eru samdir og vísa eisini á, at skuldi hetta hent, so merkir tað í somu løtu, at Nato kann pakka saman.

Í gjár segði Mette Frederiksen, forsætisráðharri, at eitt amerikanskt álop á eitt Nato land fær "alt at enda".