Eitt av kendastu ferðavinnufeløgunum í Íslandi, Blue Lagoon, fer nú á íslendska virðisbrævamarknaðin.
Týsdagin 10. november byrjar sølan av 150 milliónum partabrøvum. Tekningartíðarskeiðið endar 13. november, og ætlanin er, at partabrøvini skulu verða skrásett á Nasdaq Iceland 20. november.
Smærri íleggjarar kunnu tekna partabrøv fyri í minsta lagi 100.000 íslendskar krónur. Prísurin verður 95 krónur fyri partabrævið.
Felagið rekur ikki bara Bláa Lónið, men eisini hotell og aðrar baðstovur og vælverutænastur. Harumframt er felagið í ferð við at keypa Arctic Adventures, sum er ein av størstu fyritøkunum innan upplivingarferðavinnu í Íslandi.
Um tú veitst okkurt, sum VP ikki veit - skriva so til vp@vp.fo
