Eingin hevur tikið ábyrgdina av dronuálopinum í havnabýnum Damietta, sum er fyrsta álopið á Egyptaland, síðani kríggið við Iran brast á.

Dronan rakti eitt amerikanskt gassskip í havnini við miðjarðarhavsstrondina í Egyptalandi. Myndugleikarnir í Egyptalandi hava ikki givið nøkrum skyldina fyri álopið.

Abdel Fattah al-Sisi, forseti, ávaraði hósdagin í eini samrøðu við spanska forsætisráðharran um vandan fyri, at ósemjan økist álvarsliga, sigur talsmaðurin hjá Sisi, skrivar norska TV2.