Ein persónur er deyður eftir álopið í gjár á Brinellskúlan í svenska býnum Fagersta.

Býurin er einar 150 kilometrar norðanfyri Stokhólm, og eini 12.000 fólk búgva har. Umleið 450 næmingar ganga á skúlanum.

Maðurin, sum fór at gera um seg við svøri ella mansjettu, er 18 ára gamal, og hann er nú handtikin.

Umframt tann deyða eru trý fólk komin til skaða.

Í februar í fjør var ein líknandi hending í Campus Risbergska í Ørebro. Tá doyðu 10 fólk av skotsárum, áðrenn gerningsmaðurin doyði fyri egnari hond.