Ein politikari, sum skattar Tummas fyri at gjalda Hanusi, kann altíð rokna við atkvøðuni hjá Hanusi
- George Bernhard Shaw

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Ein politikari, sum skattar Tummas fyri at gjalda Hanusi, kann altíð rokna við atkvøðuni hjá Hanusi
- George Bernhard Shaw
Ítróttur

FSF: – Vit eru fyrst og fremst fegin um, at so nógv fólk koma at stuðla, tí tað er einki at ivast í, at stuðulin frá áskoðarunum ger mun.

Tað sigur Eyðun Klakstein, A-landsliðsvenjari hjá monnum, sum klokkan trý seinnapartin í dag skulu spæla avgerandi dyst um at vinna sær rættin til eitt røkkstøkk-pláss til deild B í UEFA Nations League.

Sammett við dystin í Slovakia fyri trimum døgum síðani hevur landsliðsvenjarin gjørt fýra broytingar í byrjanaruppstillingini.

Mattias Lamhauge verður í mál, og í verjuni vera Jann Benjaminsen, Odmar Færø, Gunnar Vatnhamar, Andrias Edmundsson og Martin Agnarsson.

Á miðvøllinum byrja Áki Samuelsen, Géza Dávid Turi, Jóannes Bjartalíð og Hanus Sørensen, og fremsti maður verður Adrian Justinussen.

Á bonkinum og til reiðar at koma á vøllin eru Bárður á Reynatrøð, Ari í Haraldstovu Petersen, Mattias Hellisdal, Viljormur Davidsen, Samuel Chukwudi, Arnbjørn Svensson, Ási Dam, Meinhard Egilsson Olsen, Petur Knudsen, Poul Kallsberg, Aron Benjaminsen og Jákup Biskopstø.

Áðrenn dystin er Moldova á øðrum plássi í bólkinum við sjey stigum, meðan Føroyar hava fimm stig. Tí er málið heilt greitt: Føroyar skulu vinna, fyri at yvirhála moldovar á stigatalvuni, og harvið vinna sær rættin til tveir røkkstøkk-dystir í mars komandi ár.

Um tú veitst okkurt, sum VP ikki veit - skriva so til vp@vp.fo

# #