Hesa vikuna er Odense International Film Festival á skránni.

Í hesum sambandi skipar Norðurlandahúsið í Odense eisini fyri filmsýningum við føroyskum filmum.

Tríggir føroyskir filmar verða vístir her. Teir eru hesir:

Omman, Ein Raskur Drongur og RÓIN - Spælimaðurin við heimsins enda.

Teir tveir fyrstnevndu eru stuttfilmar og verða vístir í kvøld, meðan dokumentarfilmurin RÓIN verður vístur fríggjakvøldið.

Týskvøldið 26. august klokkan 19.00-20.00

OMMAN af Julia í Kálvalið
To brødre må bære deres afdøde bedstemor hjem gennem det barske landskab.

EIN RASKUR DRONGUR af Mariann Sofiasdóttir
7-årige Karl pudser sin bedstefars gevær, som også afliver familiehunden på åbent hav.

Fríggjakvøldið 29. august klokkan 19.00-20.00

RÓIN - Spillemanden ved verdens ende af Pætur H. Evensson
Dokumentar om musikeren Róin Siggertsson, der efter næsten 30 år i Danmark vender hjem til Færøerne.

Eisini verða filmar úr Íslandi og Grønlandi á skránni í Norðurlandahúsinum.

Terji Mohr er við í donsku kappingini
Umframt hesar føroysku filmarnar, sum verða vístir í Det Nordatlantiske Hus, so er føroyski leikstjórin Terji Mohr eisini aktuellur við einum donskum filmi. Hann gjørdi filmin King Crocodile á filmskúlanum Super16, og hesin filmurin er nú við í donsku kappingini um virðislønir á Odense International Film Festival.

King Crocodile verður vístur fríggjakvøldið klokkan 22:00 og leygardagin klokkan 11:40.

King Crocodile verður lýstur soleiðis:

I Dillelands tropiske hede forsøger den akavede outsider Kenneth at passe ind og vinde Sofies opmærksomhed – men krokodillerne er nemmere at håndtere end kollegerne. 

Terji Mohr verður harumframt við til tiltakið "Pitch Me Baby", sum snýr seg um at "pitcha" hugskot til filmar.