Amerikanski havgranskingarstovnurin NOAA hevur saman við granskarum úr Avstralia og Columbia University sett eina fimm ára verkætlan í verk, har fýra ómannað skip skulu sigla kring Antarktis.

Fyrsta skipið fór úr Hobart í Tasmania 19. september, og hini trý verða send avstað í 2027.

Skipini eru av slagnum Saildrone Explorer og eru útgjørd við framkomnum mátitólum, sum millum annað skráseta hitastig, saltinnihald, vind, súrevni og CO₂ í havinum.

Tey verða sigla við vindorku, meðan sólkyknur veita streym til útgerðina. Vitlíki verður brúkt til at finna øki, har granskararnir hava størstan tørv á upplýsingum.

Sambært NOAA tekur havið kring Antarktis upp umleið 40 prosent av tí CO₂, sum heimshøvini samlað taka upp úr lofthavinum.

Granskararnir vilja serliga kanna vetrarmánaðirnar, tá tað er bæði vandamikið og kostnaðarmikið at senda vanlig granskingarskip til økið.