Landsstýrismaðurin í tilbúgvingarmálum, Bjarni K. Petersen, hevur handað fyrsta heiðursteknið fyri drúgva tænastu í føroysku tilbúgvingini til Sunleiv Højgaard. Tiltakið kemur í kjalarvørrinum av rundskrivi, sum varð sent út 25. august um heiðurstekin fyri tænastu í tilbúgvingini.

Sunleiv Højgaard hevur tænt í meira enn 40 ár sum sløkkiliðsmaður og leiðari og hevur verið við til at byggja upp eitt sterkt og væl skipað sløkkilið. Heiður er samstundis ein viðurkenning av øllum, sum dagliga tryggja tilbúgvingina kring landið og leggja lunnar undir felags trygd og samhaldsfesti.