Guðrun & Guðrun: 1. juli 2026 kunngjørdi Guðrun & Guðrun, at fyritøkan hevur fingið B Corp-góðkenning og er nú partur av vaksandi altjóða rørsluni av fyritøkum, sum endurskapa vinnulívið við at leggja dent á bæði endamál og vinning.

B Lab hevur góðkent Guðrun & Guðrun, og er B Lab hin almannagagnligi felagsskapurin aftan fyri B Corp-rørsluna. Ein B Corp góðkenning merkir, at fyritøkan lýkur strong krøv innan sosiala og umhvørvisliga ábyrgd, og at fyritøkan strembar eftir og arbeiðir við málum, ið røkka út um bert at skapa vinning til eigararnar.

B Corp-góðkenningin fevnir um alt virksemið hjá fyritøkuni og metir um úrslitini innan fimm ávirkanarøki: leiðsla, starvsfólk, samfelag, umhvørvi og kundar.

Góðkenningartilgongdin er umfatandi og krevur, at umsøkjarar fáa minst 80 stig, samstundis sum fyritøkan skjalprógvar sosialar og umhvørvisliga ábyrgarfullar arbeiðshættir. Sum liður í góðkenningini skal fyritøkan eisini staðfesta sína tilsøgn um jalig samfelagsendamál í viðtøkum sínum.

Guðrun & Guðrun er nú partur av einum altjóða felagsskapi við meira enn 10.000 fyritøkum, ið hava fingið B Corp-góðkenning.

Í Norðurlondum telur B Corp-samfelagið meira enn 150 góðkendar fyritøkur og fevnir um kend vørumerki sum Ganni, 66° North, Summa Equity, Meyers, Icebug, Rudolph Care, Chiesi Pharmaceuticals, PNO Rental og Danone Nordics.

Seinastu árini hevur mótaídnaðurin verið undir vaksandi eftirliti, og tí er B Corp-góðkenningin hjá Guðrun & Guðrun eitt týðandi stig, sum bendir á eina menning móti størri ábyrgd og gjøgnumskygni í vinnuni.

Gitte Rosholm, leiðari fyri B Lab Nordics, sigur:

- Tað gleðir okkum sera nógv at bjóða Guðrun & Guðrun vælkomnum í B Corp-samfelagið. Teirra vilji at reka fyritøku á ein annan hátt verður ein íblástur fyri onnur og fer at hjálpa til við at breiða út hugsjónina um, at framgongd í vinnulívinum eigur at verða máld eins nógv eftir ávirkanini á fólk og umhvørvi sum á peningaligan vinning.

Les meira um B Corp her