Í morgin verður høgætt, bert eitt lítið lot og sólin sær ein stóran part av degnum, hitin um fimm stig.

Týsdagin trilkar hann vindin av lágættum, mest útsynningi, tað verður nakað lýggjari, eini 8 stig, skýggjað og okkurt æli seinnapartin.

Mikudagin verður hann vestan í ættini, lot til frískan vind, smáskýggjað og onkrir sólglottar, hitin um 7 stig.

Hósdagin veksur vindurin sum frálíður upp í ein strúk av lágættum, tað verður ælaveður og hitin um 10 stig.

Fríggjadagi strúkur í vindi ella skrið av suðri og útsynningi, samregn og hitin um 8 stig.

Næsta vikuskifti verður fyri tað mesta høgætt og kaldari, um 4 stig, kanska okkurt kavaæl leygardagin men sunnudagin verður tað fyri tað mesta sum regn.