Í morgin verður ættin ímillum vestan og útnyrðing, lot til frískan vind, sólin sær og turt, hitin um 10 stig.

Týsdagin, ólavsøkuaftan, fer hann yvir í landnyrðing ella eysan, bert eitt lítið lot, samdrigið og móti kvøldi fer at regna illa, hiti um 11 stig.

Mikudagin, ólavsøkudag, sólin sær av og á og lotið kemur av høgættum, turt men móti kvøldi regn ella ælaveður og hitin um 10 stig.

Hósdagin regnar um morgunin, seinni slítur í, hann melur av ymsum ættum og hitin um 10-12 stig.

Fríggjadagin mest vestan, fyrst lot til frískt lot, seinni strúkur í vindi, samdrigið og okkurt æli, hitin 9-11 stig.

Næsta vikuskifti kemur hann mest av vesturættum, samdrigið, okkurt æli men eisini onkrar sólløtur, hitin 8-12 stig.