Icelandair ætlar at keypa fimm el flogfør av slagnum ES-30. 

Flogfarið, sum kann taka 30 ferðafólk, hevur fingið loyvi til royndarflúgvingar frá amerikanskum flogferðslumyndugleikum.

Flogfarið kann flúgva umleið 200 kilometrar bara við streymi og upp í 800 kilometrar sum hybridflogfar. Framleiðarin væntar, at raksturin verður yvir 40 prosent bíligari enn hjá vanligum flogførum.

Flogfarið verður mett at hóska væl til stuttar innanlandsleiðir í Íslandi og kann møguliga koma í vanliga ferðafólkaflúgving í 2031.