Týsku myndugleikarnir meta tað sum hendi í gjár, tá ein bilur rendi inn í eina mannamúgvu til eitt pride-tiltak, sum eitt islamistiskt yvirgangsálop.

Týski innanríkisráðharrin, Alexander Dobrindt, sigur, at alt bendir á, at talan var um islamistiskan yvirgang.

Ein kvinna doyði, og 29 onnur vórðu særd. Løgreglan leitar eftir einum 21 ára gomlum manni, Abdul B., sum er undir illgruna. Hann skal hava samband við islamistiskt umhvørvi og er ein gamal kenningur hjá løgregluni.

Maðurin er týskur ríkisborgari við libanesiskum uppruna. Eftirlitið við týsku landamørkini, eisini móti Danmark, er hert, nú leitað verður eftir manninum.