Íslendski felagsskapurin Almannarómur og Íslandsstofa eru farin undir eitt landsumfatandi undirskriftarátak, sum skal fáa Apple at bjóða íslendskt brúkaramót á iPhone og Mac-teldum.
Átakið byrjaði á íslendska máldegnum 16. november, skrivar DV.
Sambært fyriskiparunum er Apple ein av fáu stóru tøknifyritøkunum, sum framvegis ikki bjóða íslendskt sum vanligt brúkaramál. Fyrr vóru íslendskar týðingar av Macintosh-skipanini tøkar, men møguleikin hvarv seinni.
Fyriskipararnir vilja hava, at brúkarar skulu kunna nýta sítt egna mál í gerandistøkni.
Um tú veitst okkurt, sum VP ikki veit - skriva so til vp@vp.fo



