Ein jarðskjálvti uppá 7,1 stig hevur rakt Kumamoto á oynni Kyushu í Japan, upplýsir japanska veðurstovan JMA.

Túsundtals hava mist streymin og tokferðslan er avlýst, skrivar Reuters.

Myndugleikarnir í Japan hava sent út neyðávaring um jarðskjálvta fyri stóran part av oynni Kyushu, eitt nú Nagasaki og landslutirnar rundan um Kumamoto, Kagoshima, Fukuoka, Saga, Oita og Miyazaki.

Tsunamiávaring er eisini um eina aldu uppá ein metur eftir jarðskjálvtan, og heitt verður á fólk um at halda seg burtur frá strondini, skrivar NRK.