Umboðsmaðurin hevur í ár lagt til merkis, at klagurnar eru vorðnar víðfevndari og drúgvari. Oftari verður víst til føroyskar og altjóða lógarreglur, løgfrøðilig hugtøk og útlendskar avgerðir, enn vanligt var fyrr.
Orsøkin kann vera økt nýtsla av vitlíki, heldur umboðsmaðurin. Líknandi mynstur sæst eisini hjá norðurlendsku umboðsmonnunum og í føroysku fyrisitingini.
Drúgv skriv kunnu leggja eyka trýst á myndugleikarnar og seinka øðrum uppgávum, sigur Løgtingsins Umboðsmaður, sum heldur, at myndugleikarnir mugu umhugsa at broyta mannagongdirnar og eitt nú biðja borgarar sum klaga nágreina, hvat málið snýr seg um, og senda keldur og leinkjur til tilfarið, víst verður til.
Um tú veitst okkurt, sum VP ikki veit - skriva so til vp@vp.fo



