Viðgerðin av verjuavtaluni millum Grønland, USA og Danmark fekk eina óvæntaða byrjan í grønlendska tinginum í dag. Fundurin varð steðgaður í trý korter, áðrenn boðað varð frá, at formansskapurin hevur meldað Naleraq til løgregluna, skrivar DR.

Múte B. Egede, uttanríkisráðharri, ákærir flokkin fyri at hava almannakunngjørt trúnaðarupplýsingar úr einum afturlatnum fundi í uttanríkis- og trygdarpolitisku nevndini. Hann heldur, at hetta kann skaða altjóða umdømið hjá Grønlandi.

Upplýsingarnar stóðu í einum minnilutaáliti, har Naleraq fanst at, at Grønland ikki fær størri fíggjarligan ágóða av avtaluni.

Floksformaðurin Pele Broberg vísir ákærunum aftur.

– Tað eru eingi prógv fyri hesum. Í minnilutaálitinum stendur, at talan var um notur frá einum kunningarfundi. Tað merkir ikki, at fundurin var í trúnaði, sigur hann við DR.

Naleraq hevur nú lagt fram misálit á Múte B. Egede. Broberg sigur, at flokkurin bert fer at atkvøða fyri verjuavtaluni, um ráðharrin tekur ábyrgd av handfaringini og leggur frá sær.