Tað hevur regnað av grimd í stórum pørtum av landinum í dag, og tað hevur tarnað ferðsluni við hyljum á vegunum og eisini tað sum verri er, tí sumstaðni er smágrót eisini komið á vegin tí áir eru blivnar ov stórar. 

Á Velbastaðvegnum hevur soleiðis verið trupult at koyrt ein part av seinnapartinum, og nakað áðrenn klokkan 15 kom grót á vegin við Norðoyatunnilin, Klaksvíksmegin. Tunnilin var stongdur eina løtu og í einar tveir tímar var bert eina farbreytin opin.