Norska fyritøkan Isfjord Norway, sum virkar laks og síl á Orkanger, hevur biðið rættin um at seta felagið undir trotabúsviðgerð.

Umleið 300 arbeiðspláss eru í vanda, skrivar iLaks.

Sambært fyritøkuni eru høvuðsorsøkirnar ov lítil atgongd til rávøru, harðari kapping um fiskin og stór hall í rakstrinum.

Isfjord Norway hevði eina umsetning á umleið 1,1 milliard norskar krónur í fjør, men hevði hall. Leiðslan hevur roynt at finna nýggjar íleggjarar, men samráðingar við fýra møguligar íleggjarar bóru ikki á mál.

Fyritøkan kannar nú, um partar av virkseminum kunnu halda fram undir nýggjum eigarum.