Noreg útflutti fiskavørur fyri 18,2 milliardir norskar krónur í oktober.

Tað er áleið sama virði sum í oktober í fjør. Men gongdin er sera ymisk hjá teimum ymsu fiskasløgunum.

Laksaútflutningurin setti nýtt met við 13 milliardum norskum krónum. Útflutta nøgdin var 159.810 tons, níggju prosent meira enn sama mánað í fjør.

Hjá makrelinum er støðan øðrvísi.

Norðmenn útfluttu 13.787 tons av makreli í oktober, sum er 50 prosent minni enn í oktober 2025.

Samstundis er prísurin hækkaður munandi. Sambært norska Sjømatrådet var miðalprísurin á heilum frystum makreli 54 norskar krónur fyri kilo, sum er nýtt met.