Hósdagin var reisigildi á nýggju battarístøðini hjá SEV á Sundi.

Arbeiðsfólk og umboð fyri veitarar hátíðarhildu saman við umboðum fyri starvsfólk og nevnd hjá Sev hendan varðan á leiðini móti einum enn tryggari og burðardyggari elneti, skrivar SEV á heimasíðuni.

Jón Nielsen, deildarstjóri fyri netið, segði millum annað soleiðis í røðu:

- Hetta er eitt stig afturat á leiðini móti einum enn tryggari elneti í Føroyum. Hetta er slóðbrótandi arbeiði, og eg kann siga, at tit øll eru við til at byggja land. Vit hava verið noydd til at finna nýggjar loysnir, og fólk koma alla staðni frá fyri at síggja og hoyra um, hvussu vit fáa hetta at fungera við so nógvari óstøðugari orku inni á netinum.

Høllin skal hýsa 18 MW battarískipan umframt einum synkronkompensatori, transformarum og 10kV anleggi. Verandi battarískipan á Sundi er 12 MW.

Síggj fleiri myndir á heimasíðuni hjá SEV