Miðalhitin í oktobur var 9,1 stig, og tað er 1,1 stig oman fyri miðaltalið seinastu 30 árini, sambært Veðurstovu Føroya.

Hóast tað regnaði í 26 dagar, var samlaða avfallið 131 millimetrar – eitt sindur minni enn miðaltalið sum er 139 millimetrar.

Lágtrýstini komu á rað við vindi og regni, men av og á vóru løtur við góðum veðri.

Serliga ringt var 14. oktobur, tá stormur og áarføri elvdu til nógvar skaðar. Á Norðadalsskarði varð ein hvirla máld til 58,4 metrar um sekundið.

Hægsti hitin var 14,4 stig og lægsti 2,8 stig. Eingin frostdagur var.