- Hatta er als ikki eitt mál hjá okkum. Vit eru ikki í hasi støðuni, soleiðis sigur Gunnar Nielsen, stjóri í Effo, uppá fyrispurning um støðuna í Føroyum, nú útlendskir miðlar skriva um at oljuúrdráttir, eitt nú bensin og diesel, fara at ganga undan av krígnum í Iran.

Australski miðilin news.com.au skrivar, at yvir 100 bensinstøðir í Australia mangla bæði bensin og diesel.

- Støðan er kanska eitt sindur øðrvísi í Asia og har á leiðini. Vit fylgja væl við, men enn er als ongin vandi á ferð her hjá okkum fyri, at olja ella bensin fara at mangla, sigur Gunnar Nielsen, stjóri í Effo við VP.