Voxbotn: Safri Duo - stórt beat, livandi trummur og eina orku, ið rakar beint í Vágsbotn. Danska duo’in er eitt av teimum mest sermerktu nøvnunum á norðurlendska tónleikapallinum – og nú eru teir klárir at seta futt í hjartað í Havn.

Safri Duo varð stovnað í 1988 av Uffe Savery og Morten Friis. Upprunaliga vóru teir kendir sum ein klassisk duo við framúr spælistíli og stórari virðing á altjóða tónleikapallinum. Við útbúgving frá konservatorii og klassiskari tyngd hava teir skapt eitt ljóð, sum bæði er tekniskt knívskorið og bygt til stórar festivalpallar. Men kring aldarskiftið tóku teir eitt stig, sum broytti alt.

Við “Played-A-Live (The Bongo Song)” fingu Safri Duo eitt altjóða gjøgnumbrot, sum sendi teir beint inn á dansipallin kring Evropa. Lagið gjørdist eitt av teimum heilt stóru hittunum í byrjanini av 00’unum og staðfesti duo’ina sum eitt av teimum mest eyðkendu donsku nøvnunum á altjóða pallinum.

Og tað er júst har, Safri Duo rakar so serligt: blandingin av livandi trummum, elektroniskum beatum og reinari pallorku. Teir hava sameint klassiskan tónleik, popp og dance í einum ljóði, sum framvegis rakar fjøldina.

Á pallinum er Safri Duo ein uppliving í sær sjálvari. Við bongotrommum, marimbu, stórum trummusettum og einum drivi, sum ikki sleppur takinum, skapa teir eina framførslu, sum er sjónlig, kraftmikil og bygd til festival.

Safri Duo er ikki bara eitt kent navn – teir eru ein duo, sum dugir at flyta eina fjøld. Og tað er júst tað, vit gleða okkum til at uppliva, tá teir koma á pall í Vágsbotni 27. juni 2026.

Tað verður trummur, beat og Voxbotn-stemningur, tá Safri Duo kemur til OY Voxbotn 2026.

Ger skjótt av og keyp atgongumerki í dag fyri 𝐞𝐢𝐧𝐚𝐧𝐬 𝐤𝐫. 𝟖𝟗𝟓,-

Atgongumerki fáast í SMS, Magn við Ringvegin, Magn í Klaksvík og á ebillett.fo

Voxbotn 2026 í samstarvi við: SMS, Atlantic Airways, OY, Betri Trygging, Eta, Burger King, Magn, Red Bull, Coca Cola, Hoyrnina og Nema.