Ófriður er á altjóða partabrævamarknaðunum eftir stórt fall í USA í gjár. Nasdaq 100 fall 6,4 prosent, S&P 500 4,4 prosent og heimsindeksið MSCI World 3,3 prosent. Serliga partabrøv knýtt at vitlíki vóru hart rakt.

Ótti fyri avmarkingum á bygging av dátumiðstøðum hevur skakað íleggjararnar. Í dag eru tó tekin um bata, og fleiri tøknipartabrøv hækka aftur. 

Samstundis vísa amerikonsk tøl 165.000 nýggj størv í oktober, munandi fleiri enn væntað. Tað kann økja sannlíkindini fyri einari rentuhækking í desember og leggja nýtt trýst á partabrøvini.