Tað var ein serligur dagur hjá Signu Mrdalo av Glyvrum, tá hon týsdagin 3. november var uppi í sveinaroynd sum kosmetikari á yrkisskúlanum NEXT í Ishøj í Danmark.

Hon stóð royndina við gullmedalju, frættir VP.

Hetta skal vera fyrstu ferð, at ein næmingur á spa- og wellness-linjuni hjá skúlanum fær gullmedalju til sveinaroyndina.

Kosmetikaraútbúgvingin á NEXT fevnir millum annað um húðrøkt, mýking, sminking og negl røkt. Næmingarnir læra eisini um anatomi, reinføri og kundavegleiðing.

Sambært skúlanum tekur útbúgvingin trý ár og er skipað við bæði skúlagongd og læru á arbeiðsplássi. Hon endar við einari sveinaroynd, har næmingarnir skulu vísa tað, tey hava lært.