Fyri fyrstu ferð hevur SpaceX fangað rúmdarfarið Starship, eftir at tað hevur verið í ringrás um jørðina.
Tveir mekaniskir armar á torninum í Texas tóku í gjár ímóti rúmdarfarinum, skrivar AFP.
Rakettin varð send upp fríggjadagin og setti 26 Starlink-fylgisveinar út í ringrás.
Hetta er eitt týðandi stig hjá ríkmanninum Elon Musk sum roynir at endurnýta rúmdarførini og harvið lækka kostnaðin av rúmdarferðum.
Royndin at fanga sjálva lyftirakettina miseydnaðist tó. Hon varð í staðin leidd niður í Meksikoflógvan, har hon eksploderaði.
Um tú veitst okkurt, sum VP ikki veit - skriva so til vp@vp.fo



