USA, Ísland og NATO eru farin undir stóru hernaðarvenjingina Northern Viking 2026, sum fer fram í Íslandi og havøkinum kring landið fram til 3. september.

Endamálið er at styrkja samstarvið og tilbúgvingina hjá NATO-londunum og tryggja strategisku siglingarleiðina millum Grønland, Ísland og Bretland – sonevnda GIUK-gloppið.

Londini venja millum annað kavbátaveiðu, minuleiting, bjarging og tilbúgving til vanlukkur.

Venjingin er partur av Arctic Sentry, sum NATO setti í verk fyrr í ár fyri at styrkja verjuna í Arktis og Norðuratlantshavi.

Tað er í ár 75 ár síðan USA og Ísland gjørdu verjarsáttmálan frá 1951.