Norska fiskivinnusamtakið Hofseth International hevur í morgun kunngjørt roknskap, sum vísir eina afturgongd í umsetninginum upp á 46 prosent.
Umsetningurin í triðja ársfjórðingi var 859 milliónir norskar krónur, samanborið við 1,58 milliardir sama tíðarskeið í fjør.
Høvuðsorsøkin er munandi minni virksemi í fiskavirkingini, har felagið hevur havt trupulleikar við at fáa nýggjar sáttmálar. Serliga amerikanski marknaðurin hevur verið trupul.
Úrslitið eftir skatt var eitt hall á 49,6 milliónir krónur, og nettoskuldin er nú 4,59 milliardir krónur.
Hoffseth International hevur síðani mars leitað eftir nýggjum kapitali.
Um tú veitst okkurt, sum VP ikki veit - skriva so til vp@vp.fo



