75 ára gamli Chesley "Sully" Sullenberger, sum gjørdist heimskendur eftir neyðlendingina á Hudsonánni í 2009, hevur fingið staðfest Alzheimer-sjúku á byrjanarstigi.

Sullenberger fekk diagnosuna í august 2025, eftir at hann var farin at gloyma nøvn og upplivingar, hóast hann áður hevði sera gott minni. Hann almannakunngjørdi sjálvur sjúkuna 14. juli á heimasíðu síni.

– Eg eri nú partur av einum størri felagsskapi, og vit skulu vera djørv saman, sigur hann. Sullenberger og kona hansara, Lorrie, siga seg framvegis vera bjartskygd, vónrík og takksom.