- Í 2004 løgdu seks kommunur saman til eina. Samlaða Sunda kommuna tók við 1. januar 2005. Síðani tá hevur kommunan verið í rúkandi menning og fólkatalið er vaksið munandi, sigur kommunan, sum fyrireikar stórt hátíðarhald vikuskiftið 7. - 9. mars við eini røð av savnandi tiltøkum.

Á skránni til føðingardagin verður millum annað felags morgunmatur, hoppiland í høllini í SVS, fyrilestur, pubquiz, køkuborð, opið hús á kommunuskrivstovuni og annað.

Endalig skrá kemur út seinni í mánaðinum, sigur Sunda kommuna á heimasíðuni.