Fólkaskúlin fær 7,2 milliónir krónur afturat til raksturin í ár. Tað er ein av størstu hækkingunum í eykajáttanarlógini fyri heystið, sum varð kunngjørd í dag. Samanlagt hækka nettosútreiðslurnar hjá landinum við 26,1 milliónum krónum.
Til rentustuðul hevur Løgtingið játtað 10,8 milliónir krónur afturat. Samstundis eru inntøkurnar á somu kontu mettar 4,8 milliónir hægri. Sostatt kostar hækkingin landskassanum seks milliónir krónur.
Játtanin til endurgjald til skipasmíð hækkar úr 5,2 upp í 9,2 milliónir krónur. Sjúklingatryggingin fær somuleiðis fýra milliónir afturat, og Vørn fær tríggjar milliónir.
Størsta lækkingin er á játtanini til fyritíðarpensjón, sum minkar 9,9 milliónir krónur. Hinvegin hækkar játtanin til fólkapensjón fimm milliónir krónur.
Um tú veitst okkurt, sum VP ikki veit - skriva so til vp@vp.fo



