Skipið var fullfermt við fiski úr Íslandi, sum skuldi til Klaipeda í Litava. Harumframt hevði tað lossiútgerð, sum skuldi umborð á eitt russiskt skip. Hetta var ein av orsøkunum til, at TAKS raðfesti eftirlitið. 

Í samstarvi við Atlantic Airways fekk TAKS tollararnar suður við tyrlu. Løgreglan í Suðuroy hjálpti við flutninginum frá tyrlupallinum, so eftirlitið kundi fremjast beinanvegin. 

TAKS fegnast um, at tað við góðari tilrættislegging og dyggum samstarvspørtum ber til at fremja tolleftirlit kring alt landið við stuttari freist. 

Eftirlitið á Orange Spirit gekk væl. Einki óvanligt varð staðfest umborð. 

Hetta skrivar TAKS á heimasíðu sínari.