Átta síður av amerikanskum stjórnarskjølum vórðu funnar í einum almennum printara á einum hotelli í Anchorage fríggjamorgunin.

Tær átta síðurnar vóru um toppfundin millum Donald Trump, forseta, og russiska forsetan, Vladimir Putin, fríggjadagin.

Skjølini vórðu funnin av trimum gestum á Hotel Captain Cook umleið klokkan 9 fríggjamorgunin, skrivar NPR.

Hotellið er einar 20 minuttir frá hernaðarstøðini Elmendorf-Richardson, har toppfundurin var.

Skjølini tykjast at vera framleidd av amerikansku stjórnini og latin eftir av misgáum, skrivar NPR.

Tey innihalda viðkvæmar upplýsingar so sum nágreiniligar møtitíðir, staðnøvn og telefonnummur hjá amerikanskum embætisfólkum, skrivar VG.