Hóast ríkiligt er til, so fáa borgarar í Havn ikki lut í stóru grindini sum legði beinini í Fuglafirði í gjár.

VP hevur frætt frá fleiri sum siga, at tey fegin vildu havt grind, men sum skilst kemur ongin grind til Havnar, tí kommunan vil ikki hava hana.

VP hevur vent sær til Elsu Berg, borgarstjóra, men hon tekur ikki telefonina, og hevur ikki svarað boðum á messenger.

Men Jacob Vestergaard, sýslumaður, váttar, at tey í Havn hava ikki víst áhuga í grindini.

- Bæði eg og Dávur Juul (borgarstjóri í Fuglafirði) hava tosað við Elsu Berg, men har var ongin áhugi. Tey vendu ikki aftur, sigur Jacob Vestergaard, sýslumaður við VP.

- Hvussu nógv fingu tey bjóðað?

- Tað tey vildu hava.