Amerikanski forsetin, Donald Trump, hevur nú alment sagt, at hann góðtekur úrslitið av miðvalinum í USA í gjár. Talan var um ein syngjandi ósiður til republikanararnar, tí demokratarnir vunnu stórt og hava nú ræðið á allari kongressini. Tað fer at gera tað truplari hjá forsetanum og hansara fólki at fáa sín politik framdan seinnu helvt av valskeiðnum. 

Við fleiri amerikanskar miðlar sigur Donald Trump, at hann nú ætlar sær at samstarva við demokratarnar, og at tey nokk fara at "finna útav einum ella øðrum", sum hann sigur.

Donald Trump fráskrivar sær alla ábyrgd av valúrslitinum og minnir á, at tað var ikki hann sum stóð á atkvøðuseðlinum.

- Hevði eg gjørt tað, so høvdu vit vunnið stórsiður, sigur hann.