Tveir menn úr Danmark eru dømdir í Føroya Rætti fyri rúsevnisframleiðslu á einum verkstaði í Norðdepli.

Tað skrivar Frihedsbrevet.

Tann høvuðsákærdi fekk tvey ára treytaleysa fongsulsrevsing, meðan hin slapp við treytaðari fongsulsrevsing í seks mánaðir. Í sama máli eru teir dømdir fyri at hótta ein føroyskan mann við byrsu í sambandi við ein rúsevnishandil. Hendingarnar fóru fram í 2020.

Rætturin metti, at bæði tilfar og amboð á verkstaðnum vístu, at teir høvdu ítøkiligar ætlanir um at framleiða bæði GHB og amfetamin, hóast teir ongantíð eydnaðust við tí seinna.