Í danska býnum Hvide Sande hava tríggjar vindmyllur á havnarlagnum gjørt tað møguligt at lækka prísin á fjarhita niður á eitt søguliga lágt støði.
Frá komandi ári fer tað bert at kosta 668 danskar krónur um árið at hita eitt vanligt sethús. Hetta er umleið ein helvt av verandi prísi.
Orsøkin er, at fjarhitafelagið sjálvt eigur tríggjar vindmyllur, sum hava givið sera góðar inntøkur, serliga av høga elprísinum.
Rakstrarleiðarin hjá Hvide Sande Fjernvarme lýsir vindmyllurnar sum veruligar gullkálvar.
Hetta er eitt áhugavert dømi um, hvussu lokal ogn í varandi orkuframleiðslu kann skapa stóran fíggjarligan ágóða fyri borgararnar.
Samstundis vísir søgan, at vindorka ikki bert snýr seg um grøna orkuskiftið, men eisini um, hvør eigur orkuframleiðsluna, og hvussu virðini koma lokalsamfelagnum til góðar.
Um tú veitst okkurt, sum VP ikki veit - skriva so til vp@vp.fo



