Armenski klaverleikarin Marianna Shirinyan og føroyska kvinnukórið Silvitni framføra á vælgerðarkonsert í Auluni í Finsen fríggjadagin 20. november klokkan 19.
Allur ágóðin fer til RESET-verkætlanina hjá hjálparfelagsskapinum Mission10forty, sum hjálpir børnum við sálarligum meinum eftir kríggj, flýggjan og miss.
Verkætlanin útbúgvir fakfólk at hjálpa børnunum. Arbeiðið fer longu fram í Armenia og Ukraina, og ein verkætlan verður fyrireikað í Irak.
Marianna Shirinyan er professari á Kongaliga Danska Musikkonservatoriinum og hevur spælt á fremstu konsertpallum í Evropa. Silvitni, undir leiðslu av Cinthiu González Parada, innleiðir konsertina við føroyskum og útlendskum sangum.
Kim Hartzner, dagligur leiðari í Mission10forty, greiðir frá hjálpararbeiðinum.
Jenis av Rana er vertur.
Um tú veitst okkurt, sum VP ikki veit - skriva so til vp@vp.fo



