Tey leypa á bláman og renna móti spanska landoynni Ceuta, sum hevur mark við Marokko.

Meðan standa marknavørðar og hyggja at. Streymurin av fólki hevur verið ov stórur til at steðga.

Hundraðtals eru komin ólógliga inn í Ceuta ( Sí video her ) seinastu dagarnar, upplýsa myndugleikarnir á staðnum.

Fríggjamorgunin boðaði innanríkisráðið í Spania frá, at stívliga 40.000 tilflytarar eru farnir um markið seinasta samdøgrið, skrivar AFP.

Reuters endurgevur eisini innanríkisráðið í Spania, men boðar frá, at 49.000 fólk eru farin um markið.

18 fólk eru higartil funnin deyð, upplýsir spanska løgreglan.

Les meira her