Landsbankin: Yvirskotið áðrenn skatt hjá føroysku bankunum í fyrra hálvári 2025 varð um 393 mió. kr. tilsamans. Betri Banki hevði eitt yvirskot á 178 mió. kr., Føroya Banki 190 mió. kr., Norðoya Sparikassi 20,3 mió. kr. og Suðuroyar Sparikassi eitt yvirskot á 4,5 mió. kr.

Lægra rentustøðið hevur sum heild elvt til lægri netto rentuinntøkur hjá føroysku bankunum, ið er við til at geva eitt lægri úrslit í fyrra hálvári 2025 samanborið við fyrra hálvár 2024 hjá tveimum av bankunum, sí mynd 1. Harafturat hava niðurskrivingar og útreiðslur annars (millum annað lønir), eisini týdning fyri úrslitið.

Les meira